Loading ...
Ministri italian i Mbrojtjes, Guido Croceto, akuzoi të hënën grupin mercenar ruse Wagner se po luan një rol në rritjen e fluksit të migracionit në Europë për të ndëshkuar, vendet anëtare të BE-së që mbështesin Ukrainën.
“Rritja eksponenciale e fenomenit të migrimit nga brigjet afrikane nuk është e vogël, për shkak të një strategjie të qartë të luftës hibride të grupit Ëagnerqë përdor peshën e tij të konsiderueshme në vendet afrikane,” argumentoi Crosetto, Ministri i Mbrojtjes i qeverisë së koalicionit të ekstremit të djathtë të Italisë, në një deklaratë.
“Ashtu si BE, NATO dhe Perëndimi kuptuan se sulmet kibernetike janë pjesë e konfliktit global të hapur nga lufta në Ukrainë, tani duhet kuptuar se në frontin e Europës Jugore, situata po bëhet çdo ditë e më e rrezikshme. ”, vazhdoi ai.
Ai paralajmëroi se “imigrimi i pakontrolluar dhe i vazhdueshëm është kthyer në një mjet për të goditur vendet më të ekspozuara, kryesisht Italinë” për “zgjedhjet e tyre gjeostrategjike”.
Ministri i Jashtëm italian Antonio Tajani u duk se i bëri jehonë këtij qëndrimi të hënën, në margjinat e vizitës së tij në Izrael, duke theksuar se shumë emigrantë po mbërrijnë në brigjet italiane nga zonat e kontrolluara nga grupi Wagner.
Italia, një anëtare e BE-së dhe NATO-s, ka ofruar mbështetje për Kievin, duke përfshirë ndihmën ushtarake, që nga fillimi i pushtimit të ushtrisë ruse në territorin ukrainas në shkrt 2022.
Që nga fillimi i vitit, më shumë se 20,000 refugjatë dhe migrantë kanë mbërritur në Itali, krahasuar me rreth 6,000 në periudhat kohore përkatëse të 2022 dhe 2021, sipas shifrave nga ministria e brendshme në Romë.
Shumica nisen nga brigjet e vendeve veriore të Afrikës.
/abcnews.al
