Kur u pyet nëse e sheh Arsenalin të humbasë pikë së shpejti, Pep Guardiola tha: “Shumë ndeshje, ende shumë gjëra do të ndodhin.
“E di sa të mirë janë, por tani ata kanë filluar të luajnë edhe Europa League. Shumë gjëra do të ndodhin.
“Ata do të humbasin pikë. Ne do të humbim pikë. Skuadra që humbet më pak pikë do të jetë kampione”.
Arsenali do përballet me Sportingun e Lisbonës në raundin e 16-të të Ligës së Evropës, me ndeshjet që do të zhvillohen më 9 dhe 16 mars. Nëse e fitojnë atë, ata do të luajnë më shumë ndeshje evropiane.
Skuadra e Mikel Artetës është aktualisht dy pikë përpara Man City në renditjen e Premier League me një ndeshje më pak. /G.D abcnews.al/
