Putin pretendon se populli ukrainas ishte bërë “peng i Perëndimit”, të cilët pushtuan vendin në aspektin politik, ekonomik dhe ushtarak. Ai tha se “regjimi nuk po i shërben interesit të tyre kombëtar. Ata po u shërbejnë interesave të fuqive të huaja.”
Putin theksoi gjithashtu se Perëndimi po përpiqet ta kthejë një konflikt lokal në një konflikt global dhe “ne do të reagojmë në mënyrën e duhur.
“Ne po flasim për ekzistencën e vendit tonë,” theksoi ai.
Putin tha se Rusia u përpoq të zgjidhte konfliktin në rajonin e Donbasit në mënyrë paqësore. Sipas tij, angazhimi i Perëndimit për paqen rezultoi të ishte “mashtrim” dhe një “gënjeshtër mizore” dhe pretendon se Kievi po përpiqej të grumbullonte armë biologjike dhe bërthamore.
“Ne po bënim gjithçka që ishte e mundur për ta zgjidhur këtë problem në mënyrë paqësore, duke negociuar një rrugëdalje paqësore nga ky konflikt i vështirë, por pas shpine po përgatitej një skenar krejt tjetër.
“Perëndimi thjesht po merrte kohën e duhur, duke mbyllur sytë ndaj vrasjeve dhe keqtrajtimit të besimtarëve,” theksoi ai.
/abcnews.al
