Sipas një zbulimi duket se një një dinosaur gjigant ka kaluar ose ka pushuar në Yorkshire 166 milionë vjet më parë, duke bërë që shenja e tij të qëndroj edhe pas disa mijëravjeçarëve në Tokë. Krijesa e stërmadhe ka lënë pas një gjurmë rekord të zbuluar së fundmi përgjatë “Bregut të Dinozaurëve” në Mbretërinë e Bashkuar.
Gjurma, me përmasa gati një metër e gjatë, është më e madhja e këtij lloji që gjendet në qarkun e Yorkshire. Mijëra gjurmë dinozaurësh dhe shumë fosile janë gjetur gjatë viteve përgjatë bregut, ky zbulim u bë në prill 2021 nga arkeologia vendase, Marie Woods.
“Nuk mund ta besoja atë që po shikoja, më duhej ta verifikoja”, tha Woods në një deklaratë. “Kam parë disa printime më të vogla kur jam me miqtë, por asgjë si kjo.”
Më pas Woods iu drejtua paleontologut Dr. Dean Lomax, shkencëtar nderi në Universitetin e Mançesterit, për të marrë mendimin e tij.
“Marie më kontaktoi ndërsa ishte në plazh, me shenjën përpara. Në fillim, për të qenë plotësisht i sinqertë, mendova se ishte një lloj shakaje. Fakti që Marie më pas doli dhe e pa këtë në plazh dukej e pamundur” tha ai.
Gjurma me tre gishta është një nga gjashtë shenjat që gjenden në zonë, dhe e para u gjet në 1934.
“Ky zbulim i rëndësishëm shton prova të mëtejshme se gjigantët mishngrënës dikur shëtisnin në këtë zonë,” tha autori kryesor i studimit dhe gjeologu lokal John Hudson.
Lloji i gjurmës, i kombinuar me moshën e tij, sugjeron se është bërë nga një dinosaur i egër i ngjashëm me Megalosaurusin, me një lartësi të mundshme të ijeve midis 2.5 dhe 3 metra.
Megalosaurus ishte dinosauri i parë zyrtar në botë, i emëruar në 1824 për kockat e zbuluara në qarkun e Oxfordshire në Angli. Dinozauri mishngrënës është një nga grabitqarët më të mëdhenj të kohës së tij.
/abcnews.al
