Princi Harry dhe Meghan Markle u transferuan në Montecito në korrik 2020 dhe më pak se një vit më vonë, çifti mirëpriti vajzën e tyre, Lilibet. Fëmija i madh i Harry dhe Meghan, Archie, do të mbushë katër vjeç më 6 maj, ditën e kurorëzimit të gjyshit të tij, Mbretit Charles.
Ndërsa, vajza e vogël lindi në Spitalin Santa Barbara Cottage më 4 qershor 2021, me lindjen dhe emrin e saj të plotë, Lilibet Diana Mountbatten-Windsor, të shpallur publikisht dy ditë më vonë. Megjithatë, Lilibet nuk është fëmija i parë mbretëror që lindi në SHBA.
Kushëriri i largët i Princit Harry, Lord Frederick Windsor dhe gruaja e tij Lady Frederick Windsor (Sophie Winkleman) mirëpritën vajzën e tyre të madhe, Maud Windsor, në Qendrën Mjekësore Ronald Reagan UCLA në Los Anxhelos më 15 gusht 2013.
Vajza e tyre tani nëntë vjeçare është aktualisht e 53-ta në radhën e fronit dhe kishte një rol kryesor si një nga shoqërueset e nuses në dasmën mbretërore të Princeshës Eugenie dhe Jack Brooksbank në tetor 2018.
Çifti kanë gjithashtu një vajzë më të vogël, Isabella, e cila ka lindur më 16 janar 2016 në spitalin Chelsea dhe Westminster./abcnews.al
