Agjencia Amerikane e Hapësirës (NASA) njoftoi sot bashkëpunimin e saj me Pentagonin për zhvillimin e një rakete me energji bërthamore që do të transportojë astronautët në Mars.
Shefi i NASA-s Bill Nelson tha se bashkëpunimi me Agjencinë e Projekteve të Avancuara të Kërkimit të Mbrojtjes (DARPA) synon të zhvillojë një raketë bërthamore termike shtytëse (NTP), e cila vlerësohet të jetë gati për testim në vitin 2027.
Sipas agjencisë amerikane të hapësirës , raketa me energji bërthamore në fjalë do të jetë 3-4 herë më e fuqishme se ato që përdorin lëndë djegëse konvencionale dhe do të reduktojë ndjeshëm kohën e udhëtimit në Planetin e Kuq.
“DARPA dhe NASA kanë një histori të gjatë bashkëpunimesh të suksesshme,” tha drejtoresha e kërkimit të Pentagonit, Stephanie Tomkins, duke përmendur si shembull raketat Saturn V për misionet e hënës Apollo.
Zhvillimi i raketës së avancuar “do të jetë kritik për transportin më të shpejtë dhe më të sigurt të pajisjeve në Hënë dhe, më pas, të astronautëve në Mars”, shtoi ai./abcnews.al/
