Ukraina ka rezerva të mjaftueshme të qymyrit dhe gazit për muajt e mbetur të dimrit, pavarësisht sulmeve të vazhdueshme ruse në sistemin e saj energjetik, tha kryeministri Denys Shmyhal.
Shmyhal tha se situata në sektorin e energjisë mbetet e vështirë, por nën kontroll pas një fushate disa mujore ruse të sulmeve me dron dhe raketave në infrastrukturën kritike që dëmtoi rreth 40% të sistemit energjetik.
“Tani për tani të gjitha përpjekjet e Rusisë për të zhytur Ukrainën në errësirë kanë dështuar”, tha Shmyhal në një mbledhje të qeverisë.
“Kemi rezerva të mjaftueshme, rreth 11 miliardë metra kub gaz ruhen në depo gazi dhe rreth 1.2 milion ton qymyr janë në depo,”.
/abcnews.al
