Mësuesit në Angli dhe Uells pritet të dalin në grevë, duke pasuar infermierët, punëtorët e hekurudhave dhe të tjerë, duke rritur shqetësimin për qeverinë e kryeministrit britanik Rishi Sunak.
Sunak është nën presion në rritje për të zgjidhur një mosmarrëveshje me qindra mijëra punëtorë pas muajsh grevë që kanë shkaktuar trazira të shumta. Me inflacionin në më shumë se 10%, punëtorët në shumë sektorë po kërkojnë paga më të larta.
NEU njoftoi se qeveria u kishte ofruar anëtarëve të saj një rritje pagash prej 5%, gjë që tha se nuk kompensonte uljen e pagave të shkaktuara nga rritja e çmimit. Pagat e ulëta për mësuesit kanë shtyrë gjithashtu shumë të largohen nga profesioni, sipas sindikatës.
Qeveria nga ana tjetër ka deklaruar e rritja e pagave do të përkeqësoje edhe më shumë inflacionin. Mësuesit në Skoci janë tashmë në grevë, gjë që ka bërë që shumë shkolla të mbyllen.
Edhe pse ka shpresa se një propozim i ri për punonjësit e hekurudhave mund t’i japë fund grevave në këtë sektor, përfaqësuesit e infermierëve kanë paralajmëruar se grevat e tyre mund të intensifikohen.
Anëtarët e Shoqatës Mbretërore të Infermierëve kanë paralajmëruar për një tjetër greve të mërkurën dhe të enjten dhe sindikata ka paralajmëruar se raundi i radhës i grevave mund të jetë më i fortë, me dyfishin e numrit të infermierëve që marrin në Angli në shkurt nëse nuk gjendet një zgjidhje.
/abcnews.al
