Nëntë persona kanë mbetur të plagosur në një aksident rrugor në fshatin Vërdovë. Të rinjtë e moshës 30-35 vjeç udhëtonin me një mjet fuoristradë, e cila doli nga rruga në aksin Korçë-Pogradec.
Për pasojë dy vëllezër që ndodhen në gjendje të kritike për jetën u transportuan në Tiranë kurse shtatë të tjerë po marrin ndihmën mjekësore në spitalin e Pogradecit. Këta të fundit nuk paraqesin rrezik për jetën.
Ata po udhëtonin nga Kalivaçi në drejtim të Pogradecit. Dyshohet se shkak për aksidentin të jetë bërë moti i keq./ABC News Albania 24/7
