Loading ...
Ambasadorja e SHBA-ve në Tiranë, Yuri Kim ka mbërritur mëngjesin e sotëm në ambientet e SPAK.
Yuri Kim pritet të takohet me kreun e SPAK, Altin Dumani.
Vizita e Yuri Kim në ambientet e Prokurorisë së Posaçme kundër Krimit dhe Korrupsionit vjen tre javë pas emërimit të Altin Dumanit se kreu u ri i SPAK-ut.
Dumani pasoi në postin e drejtuesit Arben Krajën. Kujtojmë se zgjedhja e kreut të ri të SPKA-ut në dhjetor u zhvillua nën monitorimin e ambasadës së SHBA-ve, ku e pranishme ishte edhe vetë Yuri Kim.
Dumani fitoi garën duke siguruar 5 vota nga Këshilli i Lartë Gjyqësor, duke lënë pas Edvin Kondilin me katër të tilla dhe Adnand Xholin vetëm me një votë.
Pas rezultatit, ambasada amerikanë në tiranë tha se, puna e SPAK-ut duhet të vazhdojë të demonstrojë që askush nuk është mbi ligjin dhe se koha e pandëshkueshmerisë ka marrë fund.
Nga ana tjetër Dumani gjatë prezantimit përballë kolegëve deklaroi se ky është momenti që institucioni që ai do të drejtojë për 3 vitet e ardhshme të kalojë në një fazë tjetër sa I takon luftës ndaj korrupsionit dhe krimit të organizuar.
Për sa i përket vizitës së sotme të Yuri Kim në SPAK, nuk ka ende informacion se ku do të fokusohet diskutimi mes dy palëve. Sakaq ambasadorja pritet të takohet edhe me prokurorët e tjetër të SPAK-ut.
/abcnews.al/
