Një fabrikë sfungjerësh është përfshirë nga flakët e zjarrit mëngjesin e sotëm në në fshatin ‘Katund i Ri’ në qytetin e Elbasanit.
Siç shihet nga pamjet e siguruara nga Abc News tym i zi ka mbuluar qiellin në zonën përreth fabrikës.
Fatmirësish punonjësit janë evakuuar menjëherë dhe nuk asnjë të lënduar. Raportohet për dëme të shumta materiale. Në vendin e ngjarjes kanë mbërritur forca të shumta zjarrfikëse për të bërë të mundur vënien nën kontroll të flakëve.
Paraprakisht, dyshohet se zjarri ka rënë si pasojë e një defekti në sistemin elektrik të objektit.
Njoftimi i policisë
Rreth orës 10:20, në fshatin Katund i Ri, Elbasan, ka rënë zjarr në një subjekt privat (fabrikë për prodhimin e sfungjerit), në pronësi të shtetasit F. B., 53 vjeç., banues në lagjen “Dyli Haxhire”, Elbasan. Si pasojë, janë shkaktuar vetëm dëme materiale.
Paraprakisht, dyshohet se zjarri ka rënë si pasojë e një defekti në sistemin elektrik të objektit të këtij biznesi.
Shërbimet zjarrfikëse vijojnë punën për shuarjen e zjarrit.
Grupi hetimor ndodhet në vendngjarje, me qëllim zbardhjen e shkakut të rënies së zjarrit.
/abcnews.al/
