Përpjekjet e ndihmës janë mobilizuar në Kinë për të nxjerrë 18 persona të bllokuar nën tokë pas shembjes së një miniere ari në rajonin veriperëndimor të Xinjiang.
Shembja ndodhi rreth orës 13:40 të së shtunës në qarkun Yining, Prefektura Autonome e Kazakistanit Illi, njoftoi Agjencia e Lajmeve Xinhua. Zona ndodhet rreth njëqind kilometra larg Kazakistanit. Sipas raportimeve të mediave zyrtare.
Në total 40 persona punonin nën tokë kur ndodhi aksidenti. Njëzet e dy minatorë janë nxjerrë në sipërfaqe, por 18 mbeten të bllokuar. “Operacionet e shpëtimit janë duke u zhvilluar për të nxjerrë jashtë minatorët,” raporton Xinhua.
Siguria e minierave është përmirësuar në dekadat e fundit në Kinë, por shembjet janë mjaft të shpeshta. Në dhjetor 2021, dy minatorë të bllokuar në një minierë qymyri të përmbytur në Shanxi vdiqën dhe 20 të tjerë u shpëtuan pas operacioneve të shpëtimit.
Në shtator të vitit të kaluar, 19 minatorë të bllokuar nën tokë pas shembjes së një miniere qymyri në provincën Qinghai u gjetën të vdekur pas një kërkimi të gjatë. /abcnews.al
