Grupi i njohur, Elita 5 ka ftuar institucionet e Kosovës që të miratojnë kërkesën që lulëkuqja me katër petale të bëhet simbol unik zyrtar i përkujtimit të viktimave të gjenocidit në Kosovë, kërkesë kjo që është bërë nga Qendra “Gjenocidi në Kosovë – Plagë e Hapur”.
Përmes një postimi në rrjetet sociale, ata kanë ftuar të gjithë shqiptarët kudo në botë dhe institucionet shtetërore të Kosovës ta miratojnë këtë kërkesë.
“Elita 5 ka qenë në mbështetje të luftës çlirimtare të Kosovës dhe ka dënuar fuqishëm gjenocidin që Serbia ka kryer kundër shqiptarë. Prandaj mbështesim kërkesën e Qendrës “Gjenocidi në Kosovë- Plagë e hapur” që lulëkuqja me katër petale të bëhet simbol i gjenocidit në Kosovë, si simboli më kuptimplotë dhe më gjithëpërfshirës për format e këtij krimi që u aplikuan ndaj shqiptarëve të të gjitha moshave dhe gjinive!
Ftojmë të gjithë shqiptarët kudo qofshin në botë dhe institucionet shtetërore të Kosovës ta miratojnë këtë kërkesë që me 15 janar, me këtë simbol unik, të përkujtojmë viktimat e gjenocidit të kryer gjatë luftës së fundit në Kosovë”, thuhet në postimin e grupit.
Sa i përket muzikës, Elita 5 prej disa vitesh nuk ka sjellë ndonjë hit të ri. Kënga e tyre e fundit është ajo me titull “Tornado”./abcnews.al
