Gjermani-Spanjë janë skuadrat që do të diskutojnë trofeun e Evropianit të 21-vjeçarëve. Në sfidën e saj Gjermania ka mposhtur 4-2 Rumaninë për t’u kualifikuar në finale të Evropianit të 21-vjeçarëve.
Skuadra tedeske e nisi mirë takimin, duke shënuar për 1-0 përmes të Nadiem Amiri në minutën e 21’. Por, Rumania përmbysi gjithçka me dy gola të George Puscas, në minutat 27’ dhe 44’.
Në pjesën e dytë, përfaqësuesja gjermane reagon menjëherë: Fillimisht, GianLuca Waldschmidt shënoi për 2-2 nga penalltia në minutën e 51’, para se në minutën e 90 të realizojë një tjetër gol për 3-2. Kurse për 4-2, në kohën shtesë, Nadiem Amiri realizoi të dytin personal për t’ia siguruar finalen Gjermanisë U-21.
Teksa në gjysmëfinalen tjetër Spanja kalon Francën 4-1. Të parët në epërsi kanë kaluan francezët, Jean-Philippe Mateta shënoi nga penalltia në minutën e 16’. Spanja barazoi gjithçka në minutën e 28’, Marc Roca shënoi për 1-1.
Para se skuadrat të shkojnë në pushim, Mikel Oyarzabal shënoi për 2-1 në minutën e 45’ për të përmbysur gjithçka. Me të filluar pjesa e dytë, Daniel Olmo shënoi për 3-1 në minutën e 47.
Kurse për rezultatin përfundimtar 4-1, shënoi sulmuesi i Real Madridit, Borja Mayoral, në minutën e 66’. Në finale, Spanja do të ketë punë me Gjermaninë, nga e cila humbi titullin në vitin 2017./ABC News Albania 24/7
