“Asgjë nuk ka ndryshuar këtu që nga largimi i Sir Alex. Kur vendosa të kthehesha në Manchester United, ndoqa zemrën time”, tha Cristiano Ronaldo për Piers Morgan.
“Sir Alex Ferguson më tha: “Është e pamundur për ju të luani për Manchester City. Unë rashë dakord: “Mirë, shef,” shtoi Ronaldo.
Ronaldo thuhet se ka zgjedhur klubin e tij të ardhshëm mes Manchester United dhe Manchester City pas largimit nga Juventus. Superylli vendosi të rikthehet te Djajtë e Kuq pasi dëgjoi Sir Alex Ferguson.
Dhe tani Cristiano ka dhënë një intervistë të bujshme në të cilën ka kritikuar ashpër Manchester United për mënyrën se si e kanë trajtuar këtë vit.
Kujtojmë se më parë Ronaldo e quajti Ferguson babanë e tij në futboll dhe i ofroi t’i ngrinte një monument. /G.D abcnews.al/
