Kreu i Grupit Parlamentar të Partisë Socialiste, Taulant Balla ka komentuar deklaratat e bëra nga kreu i Partisë së Lirisë gjatë një konference për shtyp, për “pazare me Alibeajn” sa i përket dy iniciativave të dorëzuara në Kuvend për hapjen e dosjeve.
Balla tha se Meta fillimisht duhet të sqarojë pozicionin e tij pas miratimit të ligjit për dosjet. Sigurimin e votave për këto dy iniciativave në Kuvend me bashkëpunimin e opozitës së kryesuar nga Enkelejd Alibeaj, Balla i cilësoi si vendimmarrje të rëndësishme.
“Kjo është deklarata e Bylykbashit në Kuvend. Unë mendoj që Meta duhet të sqarojë pozicionin e tij pas miratimit të këtij ligji. Shqipëria, edhe pse pas 32 viteve. Mbrëmë ka pasur një vendimmarrje të rëndësishme. Në dobi të vendosjes së një paqeje sociale, sepse secili nga ne duhet të vendoset në mendjet dhe shpirtrave të familjeve që e kanë vuajtur regjimin. Ironia është se këto iniciativa po merren nga Partia Socialiste e Shqipërisë. Nuk ka asnjë lloj pazari, por nevojë për të reflektuar. Mungesa e dukshme e Sali Berishës, që u mundua të marrë deputetët e opozitës që të mos ishin prezent në votim, është provë se Berisha është komunisti i shndërruar në antikomunist.” /abcnews.al/
