Një aksident i rëndë ka ndodhur pasditen e sotme në Elbasan.
Një makinë ka përplasur një fëmijë 4 vjeç.
Fëmija dyshohet se ishte duke kaluar rrugën në momentin e aksidentit.
Është dërguar me urgjencë në spital dhe sipas policisë ndodhet jashtë rrezikut për jetën.
Njoftimi i policisë:
Elbasan/Informacion paraprak
Rreth orës 16:00, në lagjen “5 Maji”, shtetasi A. S., 26 vjeç, banues në Elbasan, duke drejtuar automjetin tip “Volkswagen”, ka aksidentuar një shtetas të mitur 4 vjeç, i cili është transportuar në spital, për ndihmë mjekësore dhe aktualisht ndodhet jashtë rrezikut për jetën.
Drejtuesi i automjetit është shoqëruar në Komisariat, për kryerjen e veprimeve procedurale.
Grupi hetimor po punon për zbardhjen e rrethanave të aksidentit.
/Abcnews.al/
