Universiteti “Western Balkans” në Tiranë hapi dyert për brezin e parë të studentëve. Në ceremoninë e fillimit të vitit të ri akademik Dekania e studentëve Irma Gjana i uroi atyre mirëseardhjen.
Ditën e parë studentët u njohën me mjediset e universitetit, pedagogët dhe njëri tjetrin.
Ndërsa në vijim tregon Dekania Gjana mësimi do të zhvillohet me grupe të vogla me qëllim një mësimdhënie cilësore në përfundim të të cilës të mos prodhohen thjeshtë diploma, por të rinj të aftë për tregun e punës.
Kjo do të arrihet përmes një stafi të kualifikuar, krikllave të zgjedhura dhe teknologjisë së fjalës së fundit.
Integrimi i leksioneve me praktikën profesionale në spitale është në fokus të mësimdhënies në Universitetin “Western Balkans”.
Institucioni më i ri i arsimit të lartë në vend ofron programe të ciklit të parë, të dytë dhe të tretë të studimit në fushën e mjekësisë, teknologjisë dhe inovacionit.
