Vendi i Sllovenisë po bën histori, duke u bërë i pari në Europën Lindore që u jep çifteve të të njëjtit seks të njëjtat të drejta si heteroseksualët. Me ndryshimin e ri, martesat e të njëjtit seks tani lejohen dhe u njihet e drejta për të lindur.
Gjykata Kushtetuese vendosi tashmë në korrik se çiftet e të njëjtit seks mund të martohen dhe birësojnë fëmijë ligjërisht. Ky vendim tashmë është zyrtarizuar me 48 vota pro, 29 kundër dhe një abstenim.
“Me këto ndryshime ne thjesht po themi se dallimet nuk duhet të jenë të favorshme për diskriminim. Ne i njohim të drejtat e çifteve të të njëjtit seks që duhet t’i kishim njohur shumë kohë më parë”, tha ministri i Brendshëm Simon Malievas, duke paraqitur amendamentin në parlament.
Opozita zyrtare, Partia Demokratike Sllovene, kishte kritikuar vendimin e gjykatës dhe kishte organizuar disa protesta.
“Birësimi nuk ka të bëjë me të drejtat e çifteve që duan të kenë një fëmijë, ka të bëjë me ndihmën e fëmijëve. As babai më i mirë nuk mund të zëvendësojë një nënë dhe asnjë nënë nuk mund të zëvendësojë një baba”, argumentoi në Kuvend kryetarja e grupit parlamentar të partisë, Alenka Gerai./abcnews.al
