Paulo Dybala është kthyer menjëherë në një lojtar kyç te skuadra e Romës, teksa nën urdhrat e Jose Mourinhos ka arritur të bërë paraqitje të mira, duke qenë vendimtarë me golat e tij.
I tillë ishte edhe ndaj Interit në sfidën e javës s ë8-të që Roma luajti fundjavën e kaluar, me argjentinasin që arriti të barazonte përkohësisht rezultatin, ku më pas Smalling do të shënonte golin e fitore për të besuarit e Mourinhos.
Sigurisht që goli i “Joya” ka zemëruar tifozët e Interit, të cilët në momentin që Dybala niset për të shkuar në dhomat e zhveshjes, kanë nisur sharjet drejt tij, ndërsa dëgjoheshin duke thënë: “Dybalaaaa !!! – bërtasin nga tribuna e San Siros – Je një burrë m*ti”.
Sulmuesi dëgjon gjithçka, ndërsa ngre sytë nga ata që e shanin dhe i shikon me shpejtësi me një buzëqeshje tallëse. Një përgjigje pa fjalë, por me një vështrim që i thotë të gjitha. Ai qesh me zemër, pothuajse i argëtuar nga ajo që ka dëgjuar.
Videoja e këtij momenti është bërë virale në Internet, me tifozët e Romës që kanë mbështetur argjentinasin pasi u mundësoi skuadrës së tyre edhe fitoren.
Dybala che ride di gusto davanti gli insulti degli Interisti è la cosa che più vi farà godere oggi ? pic.twitter.com/W0TxBox5KX
— ??HungryMARCIO???? (@HungryMarcio) October 3, 2022
/f.a/abcnews.al
