Hong Kong, protestë masive kundër ligjit të ekstradimit

Disa qindra mijëra persona marshuan të dielën në Hong Kong kundër një ligji që sipas kritikëve do t’i lejojë regjimit të godasë kundërshtarët politikë. I njohur si ligji i ekstradimit, drafti do të mundësojë që të akuzuarit për krime të dërgohen në Kinë për t’iu nënshtruar procesit gjyqësor. Nga ana e saj qeveria kineze ka deklaruar se ligji parashikon masa mbrojtëse dhe se shërben për të mbushur vakumet ligjore në vend. Organizatorët e protestës deklaruan se në të morën pjesë rreth 1 milionë njerëz, që do ta bënte atë marshimin më të madh që prej vitit 1997. Por i ndryshëm ka qenë bilanci i policisë, sipas të cilës në momentin e pikut në protestë ishin rreth 240 mijë persona. Liderja e Hong Kongut, Kerri Lam ka insistuar që amendamentet e ligjit të miratohen përpara korrikut. /ABC News Albania 24/7