Qytetarët në Florida kanë rrezikuar jetën në përpjekje për të bërë selfie me dallgët e furishme ndërsa vendi është goditur nga uragani Ian.
Një video e shpërndarë në mediat sociale tregon disa qytetarë, mes tyre edhe fëmijë, që sfidojnë dallgët e rrezikshme “të armatosur” me shkopinj për selfie apo me kamera ndërkohë që era frynte me 96 kmh.
Qytetarët në video sfiduan jo vetëm kushtet e motit por edhe paralajmërimet e policisë lokale që u kishte bërë thirrje që të shmangnin lëvizjet nga shtëpia. Në disa zona po ashtu u bë thirrje edhe për evakuim.
Kujtojmë se uragani Ian do të zbresë në kontenë Charlotte në bregun jugperëndimor të Floridës, potencialisht si një stuhi e kategorisë së pestë. Ian, i cili vetëm kohët e fundit u moderua në një stuhi katastrofike të Kategorisë Katër, ka sjellë me vete erëra me një shpejtësi prej 249 kmh. /abcnews.al/
