Sekretari Amerikan i Shtetit, Antony Blinken, ka thënë se çdo përdorim i armëve bërthamore do të kishte efekte katastrofike dhe konfirmoi se SHBA ka një plan nëse ndodh e diçka paimagjinueshme.
Por Blinken refuzoi të thoshte saktësisht se cila do të ishte përgjigja e Amerikës, shkruan Sky News.
Ai tha gjithashtu se zyrtarët amerikanë i kishin kërkuar Kremlinit që të “ndalonte bisedat e lira për armët bërthamore” dhe se ishte i shqetësuar se askush në rrethin e brendshëm të Putinit nuk do ta sfidonte atë nëse ai merrte vendimin për të përdorur armët.
Vladimir Putin javën e kaluar dha një kërcënim të fshehtë se ai është i përgatitur të nisë një sulm bërthamor nëse territori rus kërcënohet, një koment i dënuar gjerësisht në Perëndim.
Në një fjalim televiziv kombëtar, ai paralajmëroi se “nuk po luante blof”.
Presidenti Biden javën e kaluar tha se një përgjigje e SHBA do të ishte pasojë, por përsëri nuk pranoi të shtjellonte.
Armët bërthamore nuk janë përdorur që kur dy bomba atomike u hodhën në Japoni në vitin 1945. Megjithatë, kishte pika në Luftën e Ftohtë, si kriza e raketave Kubane, kur rreziku ishte shumë i lartë. /abcnews.al
