Rusia ka pësuar disa humbje ushtarake të njëpasnjëshme javën e kaluar dhe tashmë është duke rritur sulmet me raketa ndaj infrastrukturës civile. Kjo sipas raportit të fundit të përgatitur nga inteligjenca britanike.
Në një postim në Twitter thuhet se masa ka për qëllim të ulë moralin e popullit ukrainas. Kujtojmë se Rusia ka lëshuar disa mijëra raketa me rreze të gjatë veprimi kundër Ukrainës që nga 24 shkurt 2022.
Latest Defence Intelligence update on the situation in Ukraine – 18 September 2022
Find out more about the UK government’s response: https://t.co/NZPAVSgfAN
?? #StandWithUkraine ?? pic.twitter.com/j7bINlhTKp
— Ministry of Defence ?? (@DefenceHQ) September 18, 2022
Megjithatë, në shtatë ditët e fundit, Moska ka rritur numrin e sulmeve ndaj infrastrukturës civile edhe aty ku ndoshta nuk percepton asnjë efekt të menjëhershëm ushtarak.
Kjo kategori misioni ka përfshirë goditjet kundër rrjetit elektrik dhe një digë në lumin Inhulets në Kryvyi Rih.
Ndërsa përballet me pengesa në vijat e frontit, Rusia ka të ngjarë të zgjerojë vendet që është e përgatitur të godasë në një përpjekje për të minuar drejtpërdrejt moralin e popullit dhe qeverisë ukrainase. /abcnews.al/
