Pesë ditë nga tragjedia, nxirret një nga turistët e mbytur në Danub

Një trup i pajetë është nxjerrë të hënën nga ujërat e lumit Danub, në Hungari, 5 ditë pas incidentit të ndodhur javën e kaluar kur një varkë me turistë u mbyt. Mjeti lundrues po transportonte turistë koreano-jugorë dhe u fundos pasi u përplas nga një anije tjetër. Trupat e 7 prej tyre u rekuperuan natën e tragjedisë, ndërsa 7 të tjerë u shpëtuan të gjallë. Aktualisht, 19 shtetas koreano-jugorë dhe 2 hungarezë konsiderohen të humbur dhe dyshohet se janë mbytur. Trupi i rekuperuar ditën e hënë nuk është identifikuar ende, por sipas autoriteteve bëhet fjalë për një person me prejardhje aziatike. Më herët gjatë së hënës zhytësit hungarezë u përpoqën të arrinin varkën e fundosur, por u penguan nga prurjet e rritura të lumit Danub. /ABC News Albania 24/7