Vendlindja e presidentit ukrainas Volodymyr Zelenksy, qyteti i Kryvyi Rih, është goditur disa herë nga raketat ruse në 24 orët e fundit.
Një tjetër raketë ruse ka goditur Kryvyi Rih, vetëm gjysmë dite pasi tetë raketa ruse hoqën strukturat hidraulike përgjatë lumit Inhulets, duke shkaktuar përmbytje të mëdha, shkruan The Guardian.
Raketa goditi një zonë industriale në qytet, tha Oleksandr Vilkul, kreu i administratës ushtarake Kryvyi Rih.
“Shkatërrimi është serioz”, tha Vilkul, por ai shtoi se autoritetet janë ende duke punuar për të sqaruar çdo humbje dhe pasoja të mëtejshme.
Goditja ndaj strukturave hidraulike, e cila rezultoi në evakuime të detyruara dhe shtëpi të dëmtuara, përputhet me shqetësimet e Ukrainës se Rusia do të vazhdojë të synojë infrastrukturën e Ukrainës si ndëshkim për suksesin e saj në rifitimin e territorit të pushtuar. /abcnews.al
