Të paktën tetë emigrantë kanë humbur jetën dhe 15 të tjerë janë zhdukur pasi një varkë me destinacion Italinë u mbyt në brigjet tuniziane. Garda Detare shpëtoi 14 persona, nga varka e cila u përmbys në brigjet e qytetit Chebba në provincën lindore Mahdia.
Në kufi me Detin Mesdhe, Tunizia është një nga pikat më të njohura të tranzitit për emigrantët e paligjshëm që duan të arrijnë në brigjet europiane.
Megjithëse autoritetet tuniziane kanë marrë masa të ashpra për të trajtuar problemin, numri i emigrantëve të paligjshëm që nisen nga Tunizia për në Itali është rritur.
/abcnews.al
