Ditën e sotme është hedhur shorti i “Play-Off” i kompeticioneve europiane, ku për skuadrat shqiptare nuk do të ketë aspak përballje të lehta, pasi goglat i kanë vendosur ekipeve më me emër.
Një ndër skuadrat shqiptare është edhe Shkupi që ka njohur kundërshtarin e mundshëm që mund të jetë në play-off-in e Europa League-s.
Kampionët e Maqedonisë së Veriut, nëse do të kalojnë me sukses irlandezët e Shamrock Rovers, do të përballen në raundin tjetër me skuadrën që do të eliminohet nga turi i tretë i Champions League mes Qarabag-Ferencvaros.
Si një skuadër kampione, rrugëtimi i Shkupit në arenën ndërkombëtare i rezervon kundërshtarë që vijnë nga i njëjti kompeticion.
Edhe në rast eliminimi, në raundin e tretë, skuadra e Goce Sedloskit do të luajë në play-off-in e Conference League, çka i afron akoma dhe më shumë me pjesëmarrjen në grupet e një kompeticioni ndërkombëtar të UEFA-s.
Sfidat e këtij kompeticioni do të luhen më 18 dhe 25 gusht dhe fituesit do të hyjnë në fazën e grupeve.
Të gjitha sfidat:
Dnipro-1 (Ukrainë) – AEK Larnaka (Qipro) ose Partizan (Serbi)
Gent (Belgjikë) – Omonia (Qipro)
Austri Vjenë (Austri) – Fenerbahce (Turqi) ose Slovacko (Republika Çeke)
Linfield (Irlanda e Veriut) ose Cyrih ( Zvicër) – Hearts (Skoci)
Maribor (Slloveni) ose HJK (Finlandë) – Silkeborg (Danimarkë)
Malmo (Suedi) ose Dudelange (Luksemburg) – Sivasspor (Turqi)
Maccabi Haifa (Izrael) ose Apollon (Qipro) – Olympiacos (Greqi) ose Slovan Bratislava (Sllovaki)
Ylli i Kuq (Serbi) ose Pyunik (Armeni) – Sherif (Moldavi) ose Viktoria Plzen (Rep.
Ludogorets (Bullgari) ose Dinamo Zagreb (Kroaci) – Bodo / Glimt (Norvegji) ose Zalgiris (Lituani)
/f.a/abcnews.al
