Numri i të vdekurve nga përmbytjet vdekjeprurëse në rajonin Appalachian të Kentucky, në Shtetet e Bashkuara ka shkuar në 25. Guvernatori i Kentakit, Andy Beshear, tha se ai priste që numri të rritej, duke thënë se qindra shtëpi dhe biznese ishin përmbytur.
Presidenti i SHBA-së Joe Biden i cilësoi përmbytjet në Kentucky më të mëdha në dekada dhe një katastrofë të madhe humanitare. Mes të vdekurve janë të paktën gjashtë fëmijë, njëri prej të cilëve është vetëm një vjeç.
Pas inspektimit të dëmeve nga ajri me një avion të Gardës Kombëtare, Besir tha se përmbytjet ishin “më të këqijat” që kishte parë.
I’m in Eastern Kentucky today, and the situation is even more devastating to see firsthand. Please, help our families — this is going to be a long road to recovery. Donate now at https://t.co/HcZYxMB0v1. pic.twitter.com/TlryGoZAUt
— Governor Andy Beshear (@GovAndyBeshear) July 29, 2022
“Ka shumë njerëz që janë zhdukur. Do të bëjmë gjithçka për t’i gjetur”, tha ai.
Deri më tani, ekuipazhet kanë shpëtuar qindra njerëz me varka dhe helikopterë në një zonë të varfër të zonës, ku përmbytjet pas shirave të rrëmbyeshëm shkaktuan rrëshqitje balte, përmbytën rrugët dhe lanë 33,000 njerëz pa energji elektrike.
Shkencëtarët kanë deklaruar se ndryshimi i klimës është shkaku për ngjarje të tilla ekstreme të motit, si përmbytjet në Kentucky.
/abcnews.al
