Kryeministri i Kosovës, Albin Kurti gjatë qëndrimit në SHBA, ka takuar ish-ambasadorin e OSBE-së, William Walker, i cili zbuloi para botës krimet e luftës që ndodhnin në Kosovë.
Kurti, në postim në Facebook, ka shkruar se ai dukej si para 25 viteve kur ishin takuar për herë të parë në Prishtinë.
“Thua se është ndalur koha e tij për këtë dëshmitar të kohës sonë. Ishte kënaqësi ta takoj ambasadorin William Walker në Washington DC, të evokojmë kujtimet, të diskutojmë për të tashmen, të ndajmë shpresat dhe shqetësimet për të ardhmen”, ka shkruar Kurti.
“Diplomatët e së vërtetës për krimet e kryera gjatë luftës janë miq të popujve dhe armiq të diktatorëve”, ka shkruar ai.
