Policia Rrugore vijon monitorimin e shkeljeve të rregullave të qarkullimit me anë të “Dronit edukues”.
Në videon e mësipërme janë drejtuesit e mjeteve që janë kapur “mat” sot në Tiranë, duke mos respektuar përparësinë e këmbësorëve në vizat e bardha, shkelje e cila ndëshkohet me masë administrative, sipas nenit 189 të Kodit Rrugor.
Njoftimi i policisë:
Një ndër objektivat e “Dronit edukues” është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor. Drejtuesit e mjeteve që shfaqen në këtë video nuk respektojnë përparësinë e këmbësorëve në vizat e bardha, shkelje e cila ndëshkohet me masë administrative, sipas nenit 189 të Kodit Rrugor. Ec i sigurtë, respekto rregullat e qarkullimit rrugor! /abcnews.al
