Të gjithë mund të pajtohemi se nuk ka ndjenjë më të mirë sesa të mbash veshur një komplet të freskët gjatë një dite kur termometri rreh të kuqe dhe atmosfera bëhet mbytëse.
Një listë krijohet drejtpërdrejt në mendjen tonë që përfshin: një bluzë të bardhë, një fustan të ajrosur, çdo gjë prej pëlhure prej liri dhe shumë komplete me grep. Sigurisht, nuk harrojmë të shtojmë edhe ‘pantallonat harem’, ato pantallona që duken si funde dhe janë të famshme për siluetën e tyre tepër fleksibël.
Në pamje të parë, ato ngjajnë me pantallonat që kemi identifikuar me kulturën e Lindjes së Mesme. Ato mbërritën në botën perëndimore në fillim të shekullit të 20-të nga stilisti francez Paul Poiret dhe që atëherë kanë qenë një pjesë integrale e stilit veror. Zakonisht janë të përmasave të mëdha dhe të punuara me pëlhura të ajrosura, si saten, ndërsa këtë vit pamë që Coach të sugjeronte një version lëkure në nuancë neutrale.
Në varësi të mënyrës se si i përshtateni, ata mund t’ju shoqërojnë në çdo event në muajt e ardhshëm, nga një martesë në një udhëtim në ishull ose një shëtitje të qetë pasdite në qendër të qytetit. Në koleksionet pranverë/verë i pamë të veshura me bluza, bluza me grep, këmisha të tejdukshme dhe bluza metalike të mbrëmjes./abcnews.al
