Trupi i pajetë të gjetur një ditë më parë në një fshat të Kolonjës nga disa barinj dyshohet se i përket 29 vjeçarit Sherif Mukaj, nga fshati Starje i Kolonjës, i cili ishte larguar nga banesa që prej datës 1 nëntor të vitit 2021, pa lënë asnjë gjurmë.
Lexo dhe: Barinjtë gjejnë një person të vdekur në Kolonjë, dyshimet e policisë
Familjarët në atë kohë bën denoncimin në polici, por edhe në media për gjetjen e djalit të tyre, pasi nuk kishin arritur të komunikonin me të prej datës 1 nëntor.
Disa ditë pas zhdukjes babai i Sherifit do të deklaronte për Abc në 19 nëntor se i ka rënë telefonit por nuk ka mundur të komunikojë, ndërsa djali i tij nuk ka patur probleme.
“Nuk ka pasur asnjë lloj shqetësimi. I kam rënë gjithmonë telefonit, del i mbyllur. Personi i fundit që ka takuar ka qenë një shok, dy djem nga Starja. Pastaj më s’kam pasur komunikim.”, shprehje babai në 19 nëntor.
Kujtojmë që familja e Sherifit prej disa kohësh jetonte në SHBA, ndërsa ai ishte i vetëm në Shqipëri.
Burime për Abc bëjnë me dije se nga ana e policisë janë marrë në pyetje disa persona, të cilët kanë qenë të fundit që kanë pas komunikuar me personin që për policinë ende konsiderohet i humbur, deri në një përgjigje përfundimtare të adn.
/Abcnews.al
