Një 18-vjeçar është arrestuar në Greqi, pasi ka grabitur bizhuteri me vlerë 18 mijë euro nga banesa e një të moshuare në lagjen Charilaou në Selanik.
Pasditen e së shtunës, 11 qershor, i riu trokiti në derën e apartamentit të së moshuarës me pretekstin se i kishin rënë rrobat në ballkonin e 67-vjeçares, dukë i thënë se banonte një kat më lartë.
Në këtë mënyrë i riu ka hyrë në apartamentin e së moshuarës, ku i ka grabitur të gjitha bizhuteritë, shkruan protothema.gr.
Nga hetimet e kryera nga oficerët e policisë së Departamentit të Sigurisë Charilaou-Analipse, rezultoi se 18-vjeçari së bashku me një person tjetër, gjatë periudhës nga fundi i prillit 2021 deri në fund të majit të këtij viti, kanë kryer bashkërisht tetë vjedhje të tjera në zonën e gjerë të Analipsi dhe Charilaou nga ku kanë zhvatur para dhe bizhuteri.
/abcnews.al./
