Berisha në krye të PD, Balla për kërkesën e opozitës: Keni reflektuar, ishte pa firmën e non gratës

schedule10:20 - 23 Maj, 2022

schedule 10:20 - 23 Maj, 2022

Ndarja ose jo e Shqipërisë nga Maqedonia e Veriut në çështjen e integrimit në BE është tema që po diskutohet sot në Kuvend. Pak ditë më parë, deputetët e LSI dhe të Rithemelimit në Kuvend, përfshirë dhe ish kryeministrin Sali Berisha kërkuan mocion me debat urgjent me kryeministrin Edi Rama në Kuvend për deklaratën e tij se Shqipëria do kërkojë ndarjen nga Maqedonia e Veriut nëse në qershor nuk përparohet për çështjen e Integrimit. Nga Kuvendi kreu i grupit parlamentar të PS Taulant Balla tha se kërkesa është paraqitur ne Kuvend pa firmën e Berishës.

Ndonëse ky i fundit u zgjodh dje kryetar i PD, Balla tha se çdo dokument që ka firmën e tij refuzohet menjëherë.

“Dy fjalë për aspektin formal lidhur me paraqitjen e kërkesës. Kjo kërkesë nuk përmbush atë që përcakton neni i rregullores, dhe aspekti formal nuk përmbushet. Dua ta falenderoj propozuesin dhe propozuesit, se në kërkesë që është në Kuvend nuk është kërkesa që ka qarkulluar në media, këtu nuk është firma e non gratës, te ajo që ka qarkulluar në media është. Bëni mirë që keni reflektuar se nëse është firma e non gratës ajo refuzohet direkt. Në rast se në qershor nuk do mbahet konferenca e parë ndërqeveritare për shkak të vetos së Bullgarisë ndaj Maqedonisë Shqipëria të ketë të drejtën të kërkojë ndarjen nga ajo është në të drejtën tonë”, tha Balla.

Teksa theksoi se Shqipëria nuk mund të jetë dëmi kolateral i debatit mes dy shteteve, Bullgarisë dhe Maqedonisë së Veriut, gjatë fjalës së tij në Parlament, Balla tha se do të kërkojnë ndarjen nëse në muajin Qershor nuk mbahet Konferenca e Parë Ndërqeveritare.

/abcnews.al

Mos rri jashtë: bashkohu me ABC News. Ne jemi kudo!