Mbretëresha Elizabeth ka munguar në inaugurimin e Parlamentit dhe kjo është diskutuar shumë, ndërsa në emër të saj ka qenë i pranishëm edhe trashëgimtari i fronit, Princi Charles.
Megjithatë, sot monarkja 96-vjeçare mbërriti në Royal Windsor Horse Show për të parë kafshët e saj në paradë. Në foton me Range Rover-in e saj, monarkja u shfaq optimiste dhe e buzëqeshur! Evenimenti, i cili ka nisur të enjten dhe do të zgjasë deri të dielën, thuhet se do të jetë edhe eventi i preferuar i vitit për mbretëreshën.
Mbretëresha Elizabeth u ul në sediljen e pasagjerit të automjetit, e veshur thjesht dhe me një bluzë të bardhë dhe bluzë triko blu. Ndërsa Range Rover iu afrua unazës së paradës, Mbretëresha foli me një grup të vogël njerëzish nga dritarja e hapur e makinës.
Mbretëresha u shfaq duke buzëqeshur dhe dhjetëra fotografë u përpoqën të kapnin momentin. Paraqitja e saj vjen disa ditë pasi ajo humbi ‘Hapjen Shtetërore’ për herë të parë në 59 vjet. Hera e fundit që ajo nuk mundi të merrte pjesë ishte në vitin 1963 kur ishte shtatzënë me fëmijën e saj më të vogël, Princin Eduard.
Deri në jubileun e Platinumit, Mbretëresha reduktoi detyrimet e saj publike, ndërsa javën e kaluar u njoftua se nuk do të shfaqej në festat tradicionale në kopshtin e pallatit. Sakaq, Buckingham Palace ka njoftuar se mbretëresha do të përfaqësohet nga anëtarë të tjerë të familjes mbretërore dhe emrat e saktë do të konfirmohen në kohën e duhur./abcnews.al
