Napoli nuk shkoi më shumë se barazimi 1-10 me Romën në stadiumin “Maradona”, një barazim që i detyron napolitanët t’i thonë lamtumirë titullit për këtë sezon, pasi skuadra e Luciano Spallettit nuk mundi të mbante hapin e Milan dhe Inter.
Pas këtij barazimi tekniku Spalletti do të shprehej se skuadra e tij në këtë sfidë humbi shumë topa, por gjithashtu ai theksoi e skuadra e tij do të bëjë maksimumin që të fitojë të gjitha ndeshjet e mbetura.
“Prisja diçka më shumë kur aktivizova lojtarët e freskët, por e luajtëm topin në një mënyrë që avantazhonte fizikun e tyre. Ishte vendimtar fakti që luajtëm shumë ngadaltë dhe humbëm shumë topa të panevojshëm. Ne marrim përgjegjësitë që kemi, dhe nëse ky është niveli jonë, duhet ta pranojmë”.
5 NDESHJET E FUNDIT- “Ne nuk duhet të merremi me zgjedhjet, duhet të luajmë për të fituar të gjitha ndeshjet. Nuk ka më përqindje të mbetura, duhet të fitojmë 100% të ndeshjeve të mbetura”
BARAZIMI- “Nuk fituam sepse nuk kontrolluam mirë topin dhe humbën topa që nuk duhet t’i humbnim. Nuk u treguam një skuadër që kishim bindjen e duhur te cilësitë. Kritikat për zëvendësimet bëhen gjithmonë për të nxjerrë keq. De Laurentiis më ankohet gjithmonë përse i bëj zëvendësimet shumë vonë, ose pse zëvendësoj dikë që nuk duhej. Praktikisht me zëvendësimet të gjithë shikojnë atë që duan. /f.a/abcnews.al
