Vendet më të lumtura në botë për vitin 2022

Humbjet shkatërruese të jetëve dhe pasiguria në rritje e kanë vënë botën shumë në disavantazh, por ka pak lajme të mira për njerëzimin: Dashamirësia po rritet globalisht.

Ky është një nga gjetjet kryesore të Raportit Botëror të Lumturisë, një botim i Rrjetit të Zgjidhjeve të Zhvillimit të Qëndrueshëm të OKB-së që bazohet në të dhënat e anketave globale nga njerëz në rreth 150 vende.

Duke shënuar 10 vjetorin e tij, raporti shqyrton lumturinë në mbarë botën.

Sipas tij kombi më i lumtur në botë është ai nordik.

Sipas renditjes së Raportit të Lumturisë Botërore bazuar kryesisht në vlerësimet e jetës nga Sondazhi Botëror i Gallup, Finlanda është vendi më i lumtur në botë për të pestin vit radhazi.

Vendet nordike dhe fqinjët e tij, Danimarka, Norvegjia, Suedia dhe Islanda të gjitha janë tregues shumë të mirë për sa i përket jetëgjatësisë së shëndetshme, PBB për frymë, mbështetje sociale në kohë telashe, korrupsion i ulët dhe besim i lartë shoqëror, bujari në një komunitet ku njerëzit kujdesen për njëri-tjetrin dhe liri për të marrë vendime kyçe të jetës.

Danimarka vjen në vendin e dytë në renditjen e këtij viti, e ndjekur nga Islanda në vendin e tretë.

Zvicra, Holanda dhe Luksemburgu zënë vendet nga 4 deri në 6. Suedia dhe Norvegjia janë respektivisht në vendin e shtatë dhe të tetë. Izraeli në vendin e 9-të dhe Zelanda e Re përmbyll 10-shen e parë.

Kanadaja (nr. 15), Shtetet e Bashkuara (nr. 16) dhe Mbretëria e Bashkuar (Nr. 17) hynë të gjitha në top 20.

Vendet më të lumtura në botë, botimi 2022