Një aksident ku janë përfshirë 4 makina ka ndodhur në fshatin Grabanicë të Klinës.
Si pasojë janë lënduar 18 persona, ndërsa të lënduarit janë dërguar me autoambulancë dhe me makina private në Spitalin Regjional të Pejës.
Lajmin e ka konfirmuar zëdhënësi i Policisë së Kosovës për rajonin e Pejës, Driton Rugova, shkruan Gazeta Express.
“Sot rreth orës 19:05 në fshatin Grabanicë të Klinës, ka ndodhur një aksident trafiku në mes katër veturave ku si pasojë 18 persona kanë marrë lëndime trupore. Të lënduarit janë dërguar me autoambulanca e disa të tjerë edhe me vetura private për në spitalin rajonal të Pejës”, ka thënë Rugova.
