Shënjestra e atentatit në mesin e muajit shkurt, ku mbetën dy të vrarë, do të qëndrojë në burg. Gjykata e Apelit në Vlorë nuk pranoi një masë më të butë sigurie për Armando Sulejmanin, injohur edhe me nofkën “Çipuri”.
Gjykata e Apelit të Vlorës nuk pranoi masë më të butë sigurie për të mbijetuarin e vetëm të atentatit të 17 Shkurtit në qytetin e Vlorës.
42-vjeçari, Armando Sulejmani do të qëndrojë në burg, pasi mbrojtja nuk arriti të argumentojë ankimimin dhe nuk bindi gjykatën.
Ai akuzohet për “Mbajtje pa leje dhe prodhim i armëve, armëve shpërthyese dhe municioneve” sikurse dyshohet se ishte dhe shënjestra e atentatit për shkak të së kaluarës së tij dhe precedentëve.
“Çipuri” nuk ka pranuar të japë asnjë detaj që ndihmon hetimin. Edhe pse policia e shoqëroi rreth 17 persona nuk arrit të bihet në gjurmë të autorëve. Në vendngjarje u gjetën 90 gëzhoja dhe dyshohet se viktimave u është ngritur pritë.
Autoret e ndoqën paralel makinën ku ndodhej Sulejmani dhe dy të tjerë dhe hapën zjarr pikërisht pasi u dolën para.
Viktimat nuk kanë pasur mundësi reagimi. Vendi ishte zgjedhur nga ekzekutorët pasi e gjithë rruga nuk ka kamera sigurie.
Në makinën e vrasësve e cila rezulton e vjedhur u gjetën 3 armë automatike, por asnjë provë identifikuese.
Në këtë atentat u vranë në vend kunati dhe shoku i viktimës, Arjan Hasanaj, Resti Rexho. /abcnews.al
