Supersfida e kësaj jave do të luhet në “Air Albania” mes Tiranës dhe Laçit, takim i vlefshëm për javën e 22-të të Abissnet Superiore.
Vetëm 3 pikë i ndan skuadrat nga njëra-tjetra në tabelën e klasifikimit, dhe të dyja skuadrat do të kërkojnë të mposhtin kundërshtarin e tyre direkt.
Kurbinasit në këtë takim vijnë më të motivuar se kurrë, ku në 11 ndeshjet e fundit kanë korrur 10 fitore dhe vetëm 1 barazim, dhe kundër bardhebluve një fitore do të thotë vendi i parë në tabelën e klasifikimit.
Ndërkohë nga krahu tjetër kryeqytetasit e Orges Shehit, pas humbjes me Kastriotin, ndaj kurbinasve do të kërkojnë të rikthehen te fitorja por edhe të lënë pas një kundërshtarë direkt për titullin kampion.
Mirel Josa dhe Orges Shehi kanë vendosur edhe për lojtarët titullarë që do iu besojnë supersfidën e kësaj jave, e cila pritet të dhurojë emocionet të forta dhe premton gjithashtu të jetë një takim i luftuar deri në minutën e fundit.
Formacionet zyrtare:
Tirana: Bekaj, Toshevski, Najdovski, Hoxhallari, Përgjoni, Toli, Limaj, Totre, Xhixha, Seferi, De Silva. Trajner: Orges Shehi
Laçi: Dajsinani, Roganoviç, Ziko, Velkoski, Veliaj, Malota, Shehu, Turkaj, Ujka, Mazrekaj, Akiniemi. Trajner: Mirel Josa /f.a/abcnews.al
