Milani barazoi kundër Salernitanës mbrëmjen e djeshme dhe sigurisht që në kampin kuqezi janë mërzitur shumë. Trajneri Stefano Pioli, pas ndeshjes për DAZN tha:
“Jemi të zhgënjyer sepse nuk zhvilluam ndeshjen tonë më të mirë. Bëmë gabime foshnjarake, që i paguam me një çmim të shtrenjtë. Nuk luajtëm mirë nga ana teknike. Unë dhe djemtë jemi të zhgënjyer dhe është e drejtë të jemi, sepse nuk luajtëm si Milani.
Bëmë gabime që zakonisht nuk i bëjmë. Ishte një ndeshje e komplikuar, që të paktën e barazuam. Duhet të paraqitemi më mirë. Gabimi kryesor lidhet me faktin që nuk ditëm të menaxhonim avantazhin e shpejtë.
“Titulli? Mbi ne ka një atmosferë të çuditshme: nuk ka asnjë nga ju gazetarët që beson se Milani mund të fitojë kampionatin, por sërish vazhdoni të më bëni këtë pyetje. Ne punojmë që të bëjmë sa më shumë pikë. Është e sigurt që është një kampionat shumë i ekuilibruar”. / abcnews.al
