Juventusi barazoi kundër Torinos në derbi dhe pas ndeshjes trajneri Massimiliano Allegri tha: “Kjo pikë vlen, sepse i dhamë vazhdimësi rezultateve pozitive që kemi arritur në 2-3 muajt e fundit.
Nuk ishte e lehtë, nuk shkëlqyem në krahasim me Torinon, por bëmë një ndeshje të mirë. Pësuam gol në momentin tonë më të mirë. Në pjesën e parë kishim 2-3 situata ku mund të pësonim gol, ndërsa në pjesën e dytë jo”.
“Champions? Është futur në lojë edhe Lazio, pastaj varet se çfarë do të bëjë edhe Fiorentina në ndeshjet e ardhshme. Roma është pak më mbrapa, por mungojnë edhe 12 ndeshje. Të shohim njëherë ndeshjen kundër Villarrealit dhe më pas se çfarë do të bëjmë kundër Empolit”, tha Allegri. / abcnews.al
