Edicioni i parë i “Big Brother VIP” përfundon sonte dhe njëri prej finalistëve do të marrë çmimin e madh. Përgjatë këtyre katër muajve ndjekësit janë afeksionuar me Ilirin, Donaldin, Einxhel dhe Beniadën dhe fitoren ua urojnë të preferuarit të tyre. Gjatë gjithë kohës është përfolur shumë se kush do të jetë triumfuesi.
Shumë ndjekës e shikojnë garën e fortë mes Ilirit dhe Donaldit. Gjithashtu nuk kanë munguar as parashikimet nga astrologë të njohur duke hamendësuar fituesin. Parashikuesja e fatit, Irini Kakacaj, gjatë një interviste që dha javë më parë, përmendi emrin që sipas saj është fitues i Big Brother VIP.
Parashikuesja dha një koment për disa prej banorëve. Sipas saj, fituesi do të jetë Donaldi. “100% do të fitojë.” Për Ilirin ajo tha se është “i zgjuar dhe i fortë por nuk do të jetë fituesi”. Për Einxhel u shpreh se “është shumë e bla bla, e prekshme, mërzitet shpejt, ka karakter të dobët, jo nuk do e fitojë.”
“Beniada është modele, as kjo nuk është fituese, është e vuajtur, është plagosur shumë herë, e ka treguar veten e saj.“, tha ajo. Megjithatë, nga koha që është bërë intervista shumë ngjarje dhe dinamika kanë ndodhur brenda shtëpisë së famshme. /abcnews.al
