Një shofer transporti me ngjyrë i kompanisë FedEx në Misisipi, i cili thotë se u ndoq dhe u qëllua nga dy burra të bardhë ndërsa ishte në punë, ka argumentuar se ata duhet të përballen me akuza për krime të urrejtjes. D’Monterrio Gibson, 24 vjeç, krahasoi rastin e tij me atë të Ahmaud Arbery, një burrë me ngjyrë që u vra gjatë vrapimit. “Unë e ndjej se është përgjegjësia ime të flas, sepse Arbery nuk mbijetoi për të folur për veten e tij,” tha ai për “CNN”.
Ngjashëm me atë rast, të dyshuarit në incidentin e zotit Gibson janë babë e bir. Sipas zotit Gibson, ai po dorëzonte një pako FedEx në Brookhaven, rreth 88 km në jug të Jackson, Mississippi më 24 janar, kur furgoni i tij u ndërpre nga një kamionçinë teksa po dilte nga një rrugë me makinë. Ai u rrotullua rreth tij, pastaj takoi një burrë në rrugë që i drejtonte një armë dhe i bënte shenjë që të tërhiqej.
Ai tha që u ul pas timonit ndërsa burri hapte zjarr. Plumbat dëmtuan furgonin dhe pakot brenda, por askush nuk u lëndua nga të shtënat. Zoti Gibson tha se dy burrat, të identifikuar si Gregory Charles Case dhe Brandon Case, më pas e ndoqën atë, duke qëlluar dhe shumë herë të tjera, derisa ai doli në autostradë për t’u kthyer në qendrën e shpërndarjes FedEx.
Të dyshuarit u arrestuan tetë ditë më vonë. Ata janë liruar me kusht raporton “BBC”. Në ankesën e tij në polici, Gibson tha se ai nuk u mor seriozisht derisa ai dhe menaxheri i tij shkuan në stacion të nesërmen për t’u treguar atyre vrimat e plumbave në furgon.
Ai tha se kishte veshur një uniformë të plotë të FedEx dhe po ngiste një furgon me qira kur ndodhi ngjarja. Brandon Case, 35 vjeç, akuzohet për sulm të rëndë ndaj një automjeti në lëvizje dhe Gregory Case, 58 vjeç, akuzohet për konspiracion. Avokatët e zotit Gibson argumentuan se akuzat ishin shumë të buta dhe kërkuan një hetim federal të krimit të urrejtjes.
Ata gjithashtu kërkuan që Policia e Brookhaven t’ia dorëzojë hetimin një agjencie të jashtme dhe që akuzat të kalojnë në tentativë për vrasje. Gibson tha se atij i’u kërkua të vazhdonte të udhëtonte në të njëjtën rrugë një ditë pas sulmit. Pas disa ditësh, ai tha se duhej të merrte leje pa pagesë për shkak të sulmeve të panikut.
“FedEx i merr shumë seriozisht situatat e kësaj natyre dhe ne jemi të tronditur nga ky akt kriminal kundër anëtarit të ekipit tonë,” tha kompania. Tre burra të bardhë u dënuan muajin e kaluar me burgim të përjetshëm për vrasjen të një njeriu me ngjyrë në vitin 2020 në Xhorxhia. Dy prej tyre ishin babe e bir. / abcnews.al
