Presidenti francez Emmanuel Macron para takimit me homologun e tij rus Vladimir Putin është shprehur se një marrëveshje për të shmangur luftën në shkallë të plotë mes dy vendeve është e mundur.
Ndër të tjera ai është shprehur se është legjitime që Rusia të ngrejë shqetësimet e saj të sigurisë. Macron ka bërë thirrje për një “ekuilibër të ri” për të mbrojtur shtetet evropiane dhe për të qetësuar Rusinë.
Ai përsëriti se sovraniteti i Ukrainës nuk ishte për diskutim. Rusia ka grumbulluar trupa në kufirin e Ukrainës, por mohon planifikimin për të pushtuar.
Moska ka bërë një sërë kërkesash, duke përfshirë që aleanca e mbrojtjes e NATO-s të përjashtojë mundësinë e anëtarësimit të Ukrainës dhe të zvogëlojë praninë e saj ushtarake në Evropën Lindore.
Në lidhje me këtë situatë vendet perëndimore e kanë refuzuar këtë, në vend të kësaj sugjerojnë fusha të tjera të negociatave, për shembull bisedimet për shkurtimin e armëve bërthamore.
Kreu i shtetit francez një ditë më parë ka komunikuar edhe me presidentin e SHBA-së, Joe Biden ku paralajmëroi kundër pritjes që Moska të marrë masa të njëanshme për të de-përshkallëzuar situatën dhe tha se Rusia kishte të drejtë të ngrejë shqetësimet e veta.
Gjithashtu ai ka theksuar se vendosja e dialogut me Rusinë nuk mund të “kalojë përmes dobësimit të asnjë shteti evropian”./abcnews.al
