Shpërthen vullkani nënujor në Oqeanin Paqësor, uji i detit futet në oborre të shtëpive

Një vullkan nënujor në pjesën jugore të Oqeanit Paqësor ka shpërthyer së fundmi duke përhapur hi dhe gaz në ajër.

Mediat e huaja bëjnë me dije se një fenomen i tillë mund të jetë paralajmërues për një cunam në brigjet e ishujve Tonga dhe Samoia.

Sipas Qendrës për Paralajmërime për Cunami në Shtetet e Bashkuara, procesi i shpërthimit të vullkanit “Hunga-Tonga-Hunga-Ha’apai” ka nisur nga e premtja.

Shpërthimi mund të dëgjohej mijëra kilometra larg dhe shkaktoi paralajmërime në Zelandën e Re, Fixhi dhe Samoa Amerikane.

Shërbimi Meteorologjik i Tongës gjithashtu ka lëshuar udhëzime për reshje të dendura, vërshime dhe erë të fuqishme në territorin tokësor dhe në ujërat bregdetare.

Ndërkohë në Zelandën e Re, shërbimi zyrtar i motit tha se stacionet për vëzhgimin e motit kanë vërejtur rritje të shtypjes atmosferike të shtunën në mbrëmje shkaku i shpërthimit të vullkanit./abcnews.al

Tonga’s Hunga Tonga volcano just had one of the most violent volcano eruptions ever captured on satellite. pic.twitter.com/M2D2j52gNn

— US StormWatch (@US_Stormwatch) January 15, 2022