Loading ...
Kreu i Partisë Demokratike, Lulzim Basha ka hedhur akuza të forta ndaj Sali Berishës, vetëm pak orë nga protesta që ky i fundit ka paralajmëruar tek selia e PD-së.
Për Bashën, ish kryeministri Sali Berisha e nisi betejën e tij për statutin “non grata”, por sipas tij pas 9 shtatorit kur u përjashtua nga grupi parlamentar i PD-së, nisi mashtrimin për demokratët.
Kreu i PD-së është ndalur tek skenarët e nesërm të protestës së Berishës duke thënë se ish-kryeministri do kaos dhe dhunë.
“Berisha e nisi si beteje per statutin, por tregoi se ishte nje mashtrim si gjithcka tjeter qe prej 9 shtatorit. Ai shkeli statutin, manipuloi firmetarët per kuvendin, manipuloi me mitingun, manipuloi me pseudo referendumin. Sepse ai do kaos dhe dhune, ai nuk njeh as statut as institucione, sepse ai do PD vetem si mburoje per hallin e tij te madh.
Për hallin e tij nuk mendohet dy herë të përplasë demokratët me njeri tjetrin.
Ta harrojë!
-Selia është e demokratëve pa dallim, është shtëpia e lirisë, e mendimit të lirë, shtëpia e bashkimit rreth interesit që na bashkon të gjithëve, pro meje apo kundër meje, që është largimi një orë e më parë i qeverisë se rekordeve të zeza të Edi Ramës.
Por kjo seli nuk është e nuk do te jetë han mesjetar ku mund të hyjnë duke u kapardisur eksponente te botës së trafiqeve dhe krimit, apo të merret peng nga ish zyrtarë të korruptuar të qeverisë së PD-së.
Selia e PD-se nuk do të jetë arenë vetëgjyqësie për interesat e Sali Berishes.” tha Basha mes të tjerash. /abcnews.al/
