Arrestohet shoferi që përplasi me makinë një nxënës të shkollës “Kristaq Capo” në Berat dhe u largua.
“Sot rreth orës 11:45 në aksin Rrugor, Ura e Goricës-Kombinat, shtetasi B.Q., duke drejtuar një automjet tip “BMW”, ka goditur një këmbësor rreth 16 vjeç dhe është larguar nga vendi ngjarjes. Shërbimet e policisë organizuan punën dhe bënë të mundur identifikimin dhe kapjen e autorit”, thotë policia.
Gjimnazisti është transportuar me ambulancë në Spitalin Rajonal Berat për të marrë ndihmë mjeksore, jashtë rrezikut për jetën. Grupi hetimor po punon për zbardhjen e rrethanave të aksidentit. /abcnews.al
