Pasi fillimisht u larguan nga vendi i ngjarjes, dy të arrestuarit për ekzekutimin e Albi Bashaliut në Peqin, u rikthyen te skena e krimit. ABC ka mësuar se Veiz Bashaliu dhe Mikel Xhaja, akuzohen se kanë prishur prova dhe kanë penguar hetimet për zbardhjen e vrasjes së 32-vjeçarit Albi Bashaliu.
Policia, dy ditë pas ngjarjes mundi të arrestojë Veiz Bashaliun, 41 vjeç bashkë me Mikel Xhaja., 30 vjeç, të dy banues në fshatin Gjocaj, Peqin. Këta dy persona raportohet se kanë qenë të pranishëm në lokalin ku ndodhi ngjarja.
Lexo edhe: Pse u larguan me makinën e viktimës? Dyshimet për vrasjen në Peqin, dinamika e ndjekjes
Veiz Bashaliu mësohet se është djali i xhaxhait të viktimës. Pas arrestimit ai ka thënë se nuk ka parë gjë se ishte shtrirë në momentin e krimit. Ndërkohë personi tjetër Mikel Xhaja në përgjimet ambientale nga grupi hetimor rezulton të jetë shprehur: “Çfarë na duhet ne”
Por dy të arrestuarit janë rikthyer sërish në vendin e krimit dhe kanë prishur provat si dhe kanë kapur dëshmitarët okularë, duke u thënë banorëve të zonës që ishin tek lokali: “mos flisni dhe mos tregoni personat që keni parë, duke iu referuar autorëve të vrasjes.”
Në prokurori ngjarja është referuara për veprën penale vrasje për hakmarrjeje, ndërsa të arrestuarit akuzohen për përkrahje të autorëve dhe për veprime që pengojnë zbulimin e të vërtetës./abcnews.al/
